ولك روح حاجي ادِّق ع بوابـي

مابخاف منَّـكْ عنـدي أحبابـي

ولادي الزغاربيعرفـوا يشيلـوا

رشـاش فيـه النـار لهَّـابـي

مابخاف منـك حتـى البنيـات

قلبنْ قوي وإيديهنْ  رصاصـاتْ

عوينْ جاي  رجِّـع  الخطـواتْ

قبـلْ القبـر ماتفتحـوا نيابـي

ماتفتكر إنو النسا ببلادنا مساكين

ولك روح إسأل عنهن تشاريـن

بتعرف بأنو البنـت بالعشريـن

بتحرس لوحدا كـل  هالغابـي

ولك روح هاجر بالزمن  مكسور

حاتضل عا طول المدى  مقهـور

ماعدنا نحمـل طبـل أو زمـور

حملنا السلاح وعليـو  العتابـي

ح انضل إحنا للمجد عنوانْ

مهما يباعد  بينَّا  النسيـانْ

مادام فينا القلب  بالإيمـانْ

مشرَّع بوابو لْكلّْ أحبابـي

هادا زمان البـؤسْ والأحـزان والناس ضاعوا وفلَّتوا البستـانْ

وعشش على سياجو غراب البين والأهل صاروا وحوش بالغابـي