كانِ ياماكانْ

كانِ فيهْ إمَّاتْ بتعلِّمِ وْلادَها حَمْلِ الحَجرْ

عشقِ القمرْ

حبِّ السفرْ بعيونِ ترب بلادهنْ

الملياني من دمعِ ودما أولادهنْ

وبتْحمِّلُنْ كمشةْ عِطرْ

 تاينثروها عالزهرْ

والزهرِ يتفتحْ عابسمةْ حبِّ ملياني أملْ

 مشتاقْ يتعمشقْ على حفافِ العمُرْ

ومعْ كلْ يومِ بيمرُقِ بحاراتهنْ

 بيحمِّلوهُ شويِّ من دمعِ القهرْ

تايرشرشوا فوقِ الدني

 ويحكي لكلِّ الناسِ عن ظلمِ العصرْ

ويخبرنْ بجراحِ ماإلها دوا

إلا بتحريرِ القدس ورجوعِها لأهلِها

وطردِ الغزاةِ الظالمينْ

وعودة نوارس أهلها هالمبعَدين

 من بعدِ ماطالِ الهجرْ

شعر

زاهية بنت البحر