كل تفاصيل الحدث الجميل تظل متقدة في الذاكرة مهما طالت قامة الوقت واتسعت مساحته.. ربما تهرب لحظة خجولة من حضن العمر، فتختبئ خلف عيون الذاكرة بإحساس طفلة بريئة المشاعر، تنتظر رفة رمش تعيدها إلى داخل الإطار، فتبدو أكثر وضوحا عندما تتبختر في طريق العودة.. هي كذلك فرحة اللقاء بابتسام العمر لحظة سماع زغرودة في بيت أم، كانت تنظر فرح أولادها لحظة إثر لحظة..
بقلم
زاهية بنت البحر

لم تكن هذه الزجلية على البال ولا في الخاطر

 إلى أن قرأت قصيدة الأخ المكرم الشاعر عبد الوهاب القطب

فجاءت ردا عليها

*
لمَّا قريت الشعر دا هوا

دق ف قلبي النبض بقوه

حسيت دميِّ بيغلي ف راسي

ونادَتْ روحي فين النخوة؟

النخوة يابنتي بتشرب قهوة

مالك إنتِ خديلك سهوة

شوفي الناس بيعملوا إيه

روحي اسمعي وياهم غنوة

روحي ارقصي ماحدش واخد

منها حاجة ياروحي الحلوة

مالك إنتي ومال الهم

الشعب دا كلو ماعادش اهتم

خلي بالك من أ حوالك

العمر بيجري بلاش الغم

لكن يابني لازم تفهم

ماطَّنشِّ بكره هتندم

قوم تعلِّم حاجة تنفع

مش هتفيدك نانسي عجرم

الله يامَّا ماتسبيني

فايق ورايق ويَّا سنيني

اديني اللقمة اللي تهنيني

وبالأغاني الهايلة اتنعّم

يابني الوقت مالوهش أمان

ده احنا خلاص مش زي زمان

خليك شاطر زي صلاح

وزي خالد والشجعان

كفاية كفاية رايح أنام

ربنا يستر من الأحلام

ذكرتيني بزمن الدَّم

ليه يامَّا والله حرام؟

ياخراشي إيه اللي جرالك

مش شايف إيه الإعلام

كل نشرة فيها حاجة

مليانه دم وإجرام

تعالي يامَّا معايا وشوفي

باسكال ورويده الشام

حاجة تجنن بُصي شوفي

وبعد ده كله ازاي اتلام

شعر

زاهية بنت البحر