معليش كلو امنيح.. ما تزعل

وما تخلِّي عمرك بالأسى يدبل

مانتَ  عارف ياقلبي الناس

مهما تعاني، ماحدِّ بيسأل

1. بعيد الأم الذكرى بترجع
   بتفتِّح أبواب بتوجع
   راحت الأيام الحلوه
   ومهما نادينا مابتسمع

   زهية حبيبة قلبي
   الرحمة بطلبلك من ربي
   ياريتا آماني القلب
   بتعيدك شي لحظه لقربي

   تعباني ياأمي كتير
   من أوجاع ومن تفكير
   كنتي بلسم آلامي
   ليش ارحلتِ على بكير

2. مالنا غيرا اللي بيهتم
   فينا وبينسينا الهم
   ماتقولوا خيي وأختي..
   بعد الأم احفار وطم

بقلم

زاهية بنت البحر