ياعيون يللي متعَّبا كِترِ البُكا
ومسهَّرا التذكارِ والقلبِ حْترقْ
كوني رحيمي بالجفون وسلِّمي
أمرِكْ وأمْرُنْ للذي روحِكْ خلق
—-
ياعيون تعبت من دموعك مهجتي
حراقِ ذكْرِ الغايبين وما رَفَقْ
جرَّح خدودي واللقا فيه الدوا
صدَّقتْ وعدِ الظَّنِ لكنْ ماصَدَقْ
Mryam M.Y 
ياعيون لاتبكي الفرج جايي
امسحي دموعك واحملي الراية
الخدود منها بتحترق بتدوب
والحزن عندا ماإلو نهاية
لوضاقت علينا لابد بيوم
يفرجها ربي اللي خلق هالكون
بدعي لربي يرجع الأفراح
ويلم شمل حباب قلبي هون
LikeLike
يارب ياسامع دعا الهام
اجمعنا حبايب في ربوع الشام
وحقق لقلبي فرحة الأحلام
ورجِّعْ لشِعري بهجةِ الأوزان
LikeLike
يارب منك يسمع الدعوات
ويلم شمل البعدوا
نرجع سوى نشم الهوى
وكل الأحبة من النوى
ومن شوفتن قلبي ارتوى
وهيدا الدوا
لقلوبنا ورواحنا
ومانفترق لحظات
ياهل ترى رح نلتقى
هيهات نرجع نجتمع هيهات
LikeLike
عندي أملْ ونْ كانْ لسَّه بعيدْ
لكنْ محال يخِيبْ ظني بالحميدْ
راح ضلّْ أدعي ياحبيبه وعيدْ
وبدمِّ قلبي بكتبِ لْكِلمَاتْ
LikeLike
وينك ياألهوما ردي
زهقانة من العيشة وحدي
بتمنى إرجع عابلدي
وفيها تحلو الأيام
LikeLike