وعم يسألوا شو بدهن يكتبوا حتى الناس يحطولهن إعجاب؟
قالوا شو هني كتبوا بكل شي بالدين فصار بيتصلى على ديالهن، وبالتنظير السياسي حدِّث ولا حرج، وبالطعام سبقوا أشهر الطباخين، وبالحب حطوا روميو وجولييت بجيوبهن، وبالمجتمع صاروا ماشاء الله أشهر من سيداته وأسياده، وبالفن تفوقوا على أنطون كوين وبريجيت باردو، وبالأدب صفوا شوقي ومي زيادة على جنب، وبالحكي غلبوا أحمد سعيد وآمال فهمي، وبالموضة طلعوا بأحدث صرعات، وبالردح ياساتر فرشوا الملايات، وبالمسخرة على بعضن مافي أكتر من النُّكَت، وغيرو وغيراتو وهلق ضاق خلقهن من البوستات يللي معظمها متشابه وماعاد يعجبهن شي، بس عن جد هنن مصدقين إنه العالم الإفتراضي صار حقيقة، والعالم الحقيقي صار افتراضي، والعمر عم يركض وهني مو حاسين.
فاقترحوا عليهن مواضيع جديدة لأنه عالمهم الجديد ضاق عليهم، فلربما يعودون إلى الواقع.

بقلم

زاهية بنت البحر