Mryam M.Y

Just another WordPress.com weblog

ستي كانت بكوانين(زجل سوري)

7

 

 

 

ستي كانت  بِكْوَانيـن

تقعُـد قـدام المنقـلْ

وإحنا متـل الزغاليـل

حولا بسهرتنا الأجمـلْ

ساعـة بتغنِ غْنانـي

وعاألحانـا منتمـايـل

وساعة بتبلش  تحكـي

حكايي فيهـا بتدلـل

وإحنـا منقـلا يـالله

بدنا الحكايـي تِكْمَـلْ

بتقول جيبوا كاسة  مَيّ

حتى  حلقـي  يتْبَلـل

نشَّفتو ريقـي يا زغـار

حللوا عني راح  إزعـلْ

منبوِّسْ إيديهـا شوي

بترجع تحكي من الأول

ومامنتركها حتى تنـام

وراسا عا صِدرا مدلدلْ


شعر
زاهية بنت البحر

This slideshow requires JavaScript.

 

7 thoughts on “ستي كانت بكوانين(زجل سوري)

  1. د.حسين كامل

    شكرا يا اخت مريم على هذه القصيدة الزجلية الجميلة التي تذكرنا بعهد الولدنة
    وحكايا الأمهات والجدات (رحم الله من مات منهن ويطول الله عمر الأحياء منهن)
    _كنت أتمنى لو أبدلت كلمة (أغاني ) بكلمة (غناني )
    في مقطع :ساعة بتغني أغاني
    إذ لكان الوزن الشعري إستقام أكثر على ما أعتقد.
    ما رأيكم ؟

    Like

  2. zahya12 Post author

    أهلا ومرحبا بك أخي المكرم د. حسين كامل.
    أضأت المدونة بحضورك الراقي
    أهلا بطرطوس وكل أهلها أهلي وناسي.
    أشكرك على الملاحظة المثرية
    شكرا لحضورك المبهج
    أختك
    زاهية بنت البحر

    Like

  3. الشهباء

    لقد اعدتيني الى عمر مضي
    تناسيناه مع زحمة الحياة واختلافها
    انها ايام خير التففنا حولهم ننتظر طعاما
    رائحته تجلبنا وصغار الجيران
    وعندما نذهب باطباق لهم
    نلعق منها باصابعنا فنأخذ اكثر مما نبقي
    ليتها دامت بخيرات راحة القلب والبال
    دامت الذكرى العطرة تفوح منك
    الشهباء

    Like

  4. zahya12 Post author

    أهلا بك غاليتي مع نبضات تعود لنا ذكرى عطرة من الماضي الجميل
    كانت لي ثلاث جدات
    أم النجم ربما بلغت التسعين هي جدة أمي لأمها كنا نحبها جدا رحمها
    وجدتي الحاجة والدة أبي رحمهما الله توفيت في الخامسة والستين
    وجدتي الحاجة أم فاروق والدة أمي رحمهما الله توفيت وقد تجاوزت الخامسة والثمانين
    كانت جداتي مثال للجدة الحنون الرؤوم
    والفخرلي هو اسمي الذي اجتمع فيه اسمَا الجدتين
    رحم الله الجدات وأخوات الجدات الحبيبات.
    مازلت والله أحب العجائز لما عندهن من الحنان والحكمة
    والوعي والفهم، وقد دأبت على ذلك منذ الصغر فمنهن نتعلم كل جميل ومفيد.
    أهلا بك ومرحبا غاليتي الشهباء
    أختك
    زاهية بنت البحر

    Like

  5. إلهام محمد

    الله يرحم ستي… ستك ويجمعنا فيها بالجنة ،فعلا”كانت أيام وسهرات ولا أحلى ويرحم عمتي مريم اللي كانت تحكيلنا حكايات حلوة كتير كلها كان إلها مغزى وفيها مواعظ بتعلمنا نفرق بين الصح والغلط . لما ظهر التلفزيون أخذ مكان ستي وعمتي اللي كانوا يحكولنا أحلى الحكايات ونحنا مشدودين إلهم وعم نتطلع لنهاية الحكاية ياترى (حيعيشوا بتبات ونبات ويخلفوا صبيان وبنات ) . صحيح إننا صرنا نسمع ونشوف عبر التلفزيون ولكن مع ستي وحكايات ستي كنا نعيش حلم مختلف تماما” والقعدة كانت أحلى وقدام المنقل كنا نتدفى وقلوبنا كانت دافية وصافية ودايما” كنا نردد …..آي وبعديننننن
    الله يرحم هديك الأيام ويرحم ستاتنا وجدودنا وأمهاتن وآباءنا وأمة المسلمين.
    رعاك الله وحماك أيتها الرائعة والأخت الطيبة
    كوني بخير دائما”
    أختك المحبة إلهام

    Like

    1. zahya12 Post author

      تسلمي الهوم ومابنسى العمة طيره درويش رحمها الله اديش كانت تحكي لنا حكايا حلوة.
      ياالله.. زمان كان لكل شي طعم آخر مو لأننا كبرنا؛ لا.. لأنه كان كله أصالة ومحبة وصدق ،
      وما بنسى كمان المرحومة أم مصطفى أوسطة وحكاياتها الرائعة ..
      وحكايات أمي رحمها الله عن زيزون وزيزونة ومحسب لقدام، ومحسن ومؤسن،
      وحكايات ستي الحجة عن ميمونة وغيرا وغيراتها كتير.
      رحمهم الله وأحسن اليهم ورحم أيام زمان .
      شكرا الهومتي الغالية.

      Like

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google photo

You are commenting using your Google account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s

This site uses Akismet to reduce spam. Learn how your comment data is processed.

%d bloggers like this: