إمِّي بزمانــــــا كانِتِ ابْتِكْتُبْ شِعِرْ
وبتشكِّلِ الكلمــــــات بورود وزَهِرْ
وماكِنتْ بعرِفْ يومِتا إنِّي أنــــــــا
راح كونْ متلا زاهية بنت البحــرْ
إمِّي اللي قلبا كبيرْ بوسع المــــدى
مابتشبها بين النِّسا منهن حـــــــدا
منها اتعلمتِ المشي بدربِ الهدى
ومنها ورثتِ الحكمي ببحور الشعر
إمِّي ضيا أنوارا مابتعرفِ غْيابْ
مشعشعْ بقلبي حروفْ عم تغزل كتابْ
إسمي أخدتو من سناها عالحساب
وراح ضلّ وفِّي بْحقُّو عاطولِ العمرْ
شعر
زاهية بنت البحر
مشتاقا يامِّي والحنينِ بنظرتي
بيطْلع من عيوني دمع مع شهقتي
ومابتنشفِ الدمعات طول ماشمعتي
بفتيلها المحزون بتضوي المدى
إعجابإعجاب
أمي ياإمي الدمع من عيني هَمَى
ومشغول بالي عا لْحبيبه دَلْهَمَه
وياطيرِ يالرايح لصوبا كَلِّمَا
وخليها تبعتلي على جناحك سلام
إعجابإعجاب
لك يازمان يتمتني وخليتني
من غير أهل بِ هالدني شرَّدتني
شو بحب ارجع لزمان الوَلْدَني
وإلعب أنا وإخواتي بالزيري سوا
إعجابإعجاب
ياربي ياعالم بأسباب الأسى
جرح القلب عافراق أهلي ماانتسى
بحروف شعري والرجا بدعي عسى
ترجع حبايب مهجتي وتشفي الجراح
إعجابإعجاب
ياشعر يامدلل على قلبي كفى
عذبتني وبعدت عن عيني الغفا
رجِّعْ زماني الرَّاح ورجعلي الصفا
وخليكْ لقلبي اسْراج بدروبِ الدُّجى
إعجابإعجاب
ياصنو روحي، ياحبيبة مهجتي
يَاخْتي الحنوني يارفيقةْ وحدتي
قلبي معك.. شاهِدْ عاشوقي ولوعتي
بيرجع لصدري يومْ نتلاقى سوا
سلامي لأختي الغالية الهوم
إعجابLiked by 1 person
شو هالدني، شو هالعمر كله عذابْ
كلو دمع.. كله حزن، مالو اغْيابْ
ودروب عتمِي.. شمسها خلف الضباب
بترمي عاقلبي زرار.. بتفتِّحْ ألم
إعجابإعجاب
إمِّي اللي قلبا كبيرْ بوسع المــــدى
مابتشبها بين النِّسا منهن حـــــــدا
منها اتعلمتِ المشي بدربِ الهدى
ومنها ورثتِ الحكمي ببحور الشعر
إمِّي ضيا أنوارا مابتعرفِ اغيابْ
مشعشعْ بقلبي حروفْ عم تغزل كتابْ
زاهية بنت البحر
لقد قلت حقا وكأنك عرفتيها
لقد كانت قلبا لا يعرف الا الخير
ربت فأحسنت وتفانت فوجدت
واخلصت فاثمر اخلاصها فينا
نعم الام كانت امى رحمها الله وطيب ثراها
كانت صاحبة فكر وقلم
توفت ٢-٥-٢٠٠٩
عن عمر يناهز التسعون عاما
بكامل وعيها وعظيم عطاؤها
فبارك الله بامهات يحيوا وغفر لمن ماتوا
الشهباء
إعجابإعجاب
ياطيور ياللي مغرّبي صوب البحر
جيبي لي من هونيك شي كمشة صبر
ماعاد فيني عالبعد حاجي قهر
حاجى أسى وتعتير عافراق الحبابْ
أهلا بالشهباءالغالية
رحم الله أمك وأمي وأموات الجميع
عندما تهب رياح الذكريات تعربد في القلوب المشتاقة لبسمة ماضٍ تولى بمن كانوا فيه شموسا وأقمار.. تذرف العيون الدمع حارا مخترقة حجاب الزمن خيالا تحتضن فيه أبا ، أما، أخا وأختا وكل من كان لقربه دفء محبة .
آه يازمن مما به القلوب باتت تحتاج للمسة حنان من يد أمٍ مازلنا نحس بأناملها تمسح فوق رؤسنا بعطف ووداد.
رحمهم الله وأسكنهم فسيح لجنان
أهلا بك عزيزة كريمة في مهبط فكري حرف صدق ومحبة.
أختك
زاهية بنت البحر
إعجابإعجاب
ياربي ياعالم بأسباب الأسى
جرح القلب عافراق أهلي ماانتسى
بحروف شعري والرجا بدعي عسى
ترجع حبايب مهجتي وتشفي الجراح
إعجابإعجاب
ماتلوم دمعي يازمن بيكفي ملام
من بعد موت الأم عالدنيا السلام
بدموع قلبي عالسطر بكتب كلام
منو بتطلع عالدني شمسِ الحنانْ
إعجابإعجاب
محتارة كيف بدي عيش بعد الزاهية
أمي الحبيبة العا فؤادي حانية
يارب سكِّنها بجنة عالية
برفقة حبيبي المصطفى خير الأنام
إعجابإعجاب
أمي، حبيبـةْ هالقلـبْ
راحتْ بقالْهـا سنيـنْ
وتركتْ لمريـمْ إسْمَهـا
مشعشع ْ ضيا وِحنيـنْ
أميِّ الزَّهو، أمي الوفـا
إمي النقا هالعلمتني الدِّينْ
ياربّ ارحمْ ميمتي
قولـوا معـي: آميـنْ
شعر
زاهية بنت البحر
إعجابإعجاب
راح ضلّ إشكي حرقتي من غربتي
وقللو ياربِ فرِّج كربتي
ماعاد عندي حيل صبِّرْ مهجتي
عافراق أهلي غَمَّضِ عيوني البكا
إعجابإعجاب
أمي ياإمي الدمع من عيني هَمَى
ومشغول بالي عا لْحبيبه دَلْهَمَه
وياطيرِ يالرايح لصوبا كَلِّمَا
وخليها تبعتلي على جناحك سلام
إعجابإعجاب
ياطيور ياللي مغرّبي صوب البحر
جيبي لي من هونيك شي كمشة صبر
ماعاد فيني عالبعد حاجي قهر
حاجى أسى وتعتير عافراق الحبابْ
إعجابإعجاب
صرت البعيدي عن بلادي وتربتا
ودقت العذاب بغربتي وبدنيتا
يارب رجع لي بلادي وبهجتا
ماحلى صباح الشام مع صوت اليمام
إعجابإعجاب
يارب ياعالم بهمِّي ولوعتي
خلِّص فؤادي من عذابي وحرقتي
دمعي بعيني بصحوتي وبغفوتي
وقلبي بحزنو من أنينِ الشام
إعجابإعجاب
لو صار شو ماصار مابنسى
بلدي بجمالا في الصباح وبالمسا
ومحتارة والله منين جانا هالأسى
والحرب شعلت بالبلد بعد السلام
إعجابإعجاب
ياجراح فللي واتركينا بحالنا
روحي لعند العدا، قسيتي وشغلتي بالنا
اسكبنا دموع الأسى واتعترت أحوالنا
والبلد صارت موحشة والعين مابتنام
إعجابإعجاب
آهٍ وآه آهْ ثمَّ آه
من وجَع قلبي بقول ياالله
ماعادفيني اتعبت يارباهْ
رجِّع لأرضي فرحتابحضنِ الوئام
إعجابإعجاب
ماعاد فيها هالدني حبّ وحنان
الناس صاروا وحوش غابي بهالزمان
والقتل عربد وانتهك عرض الأمان
والشمس غطت وجهها وحلِّ الظلام
إعجابإعجاب
ياطيور ياللي مهاجرة مَدري لوَينْ
تغلغلْ بأرضي الحزنْ وصْبحنا بـــِ بَيْنْ
يرحم زمان جدودنا يالعاشوا هون
واليوم تاريخِ الجدودْ أصبحْ مَنامْ
إعجابإعجاب
لوكان عندي جناح برجع للبلد
تااحرسا
وبحط خدي فُق ترابها
وبَوِّسَا
ومن دمع عيني برشرشا
وبهندسا
وان كان بدها من دمي حقا به
ماببخسا
إعجابإعجاب
خلوا الشعر ينزف حروفو بالدما
ويحكي حقيقة هالحرب لِــِ مْلَغَّمَهْ
ويقول لكل الناس وين ماكان
انو السلام أصبح علينا مُحَرَّما
إعجابإعجاب
امين امين امين رحم الله الغالية واسكنها فسبح جناته وحشرها مع الحبيب المصطفى صلى الله عليه وسلم وسقاها من يده الشريفة شربة هنيئة لا تظمأ بعدها أبدا .
ادمعتي قلبي قبل عيني. أسال الله أن يردك الى احبابك وديارك سالمة غانمة ويجمعك مع احبابك في احسن حال ويسعد قلبك بلقائهم ويعيد الامن والسلام الى الديار انه ولي ذلك والقادر عليه .
دمت بخير غاليتنا الزاهية ومن تحبين .
مع خالص التحية .الشامخة
إعجابإعجاب
آمين اللهم آمين
شكرا لك أخيتي على بديع حضورك
كل عام وأنت بخير
إعجابإعجاب
رغم البعدْ رغم الشقا والضيم
راح ضل أحلم بانزياح الغمّ
بلادي الحبيبة الغارقة بالهم
بدها دوا يوقِّف نزيف الدم
إعجابإعجاب
مجروح ياقلب الغريب من البشر
مجروح
وبغربتك هجمت عليك الدني تاتزيد فيك
جروح
معتر ياابن الناس لما الهجرة عن
وطنك
بتعلي راس العدا وبتهد فيْك
صروح
إعجابLiked by 1 person
حرفي حزين مشعَّلِ الدمعات بالإحساسْ
كلا أسف كلا أسى كلا فزع بيوجعولي الراس
قلبي على أحبابنا يتشردوا وعا ترابنا ينداس
وعاكل نسمة عطر من ديرة أبي الِــِ هبوبها بينباس
إعجابLiked by 1 person
الْهُوْمْ يانسمةْ فرحْ لِيْ بالدِّنِي
بْذكرى الأهلْ الْهُوْمْ
بشتاقْ شوفكْ ياحبيبةْ هالقلبْ
ونْسى معكْ لِهْمُوْمْ
قلبي اتقطَّعْ بالفراقِ وْعايشي
بوادي الألمْ والدنيا حولي غْيُومْ
إعجابإعجاب
لوَََعتي ألبي بهالحكي
من لوعتو عم يشتكي
ياأغلى إنسانة شو بدك بالحكي
من محبتك هالألب بيلائي الدوا
ياهل ترى بعد الفراق
منعود نتلاءى سوا
إعجابإعجاب
لما البعد بيكون إصرار وجفا
وما منعرف الأسباب يللي بالخفا
منحسِّ إنُّو هالدِّني ماأسخفا
بتسرق صفاء القلب من أغلى الحباب
إعجابإعجاب
ياصنو روحي، ياحبيبة مهجتي
يَاخْتي الحنوني يارفيقةْ وحدتي
قلبي معك.. شاهِدْ عاشوقي ولوعتي
بيرجع لصدري يومْ نتلاقى سوا
سلامي لأختي الغالية الهوم
إعجابإعجاب
يااختي الحبيبة هالبعد هم وأسى
بالقلب حسرة عالبعد ماتنتسى
ياخيتي هالقلب صبحو والمسا
يدعي لربو بيوم يجمعنا سوى
إعجابإعجاب
انْ طَوَّلْ بُعادِ الجسمِ مامنترك مجال
للروح تقسى لنو تكه عالوِصال
شروش المحبة الصادقه مثل الجبال
مابتخلعا من القلب هوجاء الرياحْ
إعجابإعجاب
بهربْ من الناسِ لْلِي حَوليْ بالصَّفِنْ
وبطلعْ بفكري فوقْ أمواجِ الحِزِنْ
والبحرْ هايجْ بالأسلْ مَا بْينتسى
وبْغربتي مالي سلامِ وْلا أَمِنْ
إعجابإعجاب
مهما الغُرُبْ فرجولكِ الإخلاص
بصورا فريدي تْصَيَّدا غواصْ
وفرشولكِ لْ أرضْ بورودِ وْفُلْ
بِضَّل تشعرْ مِنْ غنى بخماص
إعجابإعجاب
بتمرق علينا بِدْ دِني أوقاتْ
منتمنَ فيها نْكونْ بالأمواتْ
وأصعبْ مافيهانْ نِشفِتِ الدمعاتْ
والقلبْ حبِّ يْبوح بالأشجانْ
إعجابإعجاب
معليش كلو امنيح ما تزعل
وما تخلِّي عمرك بالأسى يدبل
مانتَ للي عارف ياقلب هالناس
مهما تعاني، ماحدا بيسأل
إعجابإعجاب
بعيد الأم الذكرى بترجع
بتفتِّح أبواب بتوجع
راحت الأيام الحلوه
ومهما نادينا مابتسمع
إعجابإعجاب
اليوم وبكرة وكل العمر
منتذكرها
شو كانت حلوة ضحكتها
كيف ممكن ننسى طلتها
وصوتا اللي مخبي محبتها
أمي اللي ربتنا وتعبت
يارب ارحمها وبالجنة
أكرم مثواها وباركها
وارحمنا واجمعنا معها
إعجابإعجاب
يازهيه لو بتشوفي كيف الدنيا صارت سودا
زرعت فيي هموم كتير وأوجاع ماعم بقدر عِدَّا
بوجودك كانت ياإمي مابتقدر تتجاوز حدَّا
وهلق عم تسرح وتمرح وماحدا بيسترجي يردا
إعجابإعجاب
زهية حبيبة قلبي
الرحمة بطلبلك من ربي
ياريتا آماني القلب
بتعيدك شي لحظه لقربي
إعجابإعجاب
تعباني ياأمي كتير
من أوجاع ومن تفكير
كنتي بلسم آلامي
ليش ارحلتِ على بكير
إعجابإعجاب
مالنا غيرا اللي بيهتم
فينا وبينسينا الهم
ماتقولوا خيي وأختي..
بعد الأم احفار وطم
إعجابإعجاب
امِّي اللي قلبا كبيرْ بوسع المــــدى
مابتشبها بين النِّسا منهن حـــــــدا
منها اتعلمتِ المشي بدربِ الهدى
ومنها ورثتِ الحكمي ببحور الشعر
رحمة الله عليك ياأمي
إعجابإعجاب
مشلوحة بالغربة مع كومة آلام
ومن شدِّة أوجاعي ماعم إقدر نام
وينكن يابناتي وياإختي الهام
غنولي بحنانكن بلكي فيني نام
إعجابإعجاب
وتبقى أختي الهوم
بلسم جراحي بعد فقد الأم..
تحيتي لكل أم
وليرحم الله أمي
إعجابإعجاب