Mryam M.Y

Just another WordPress.com weblog

زجل سوري (طفي الحريق)(مشلوح عابواب الزمن)

5

 

 

طفِّي الحريقا الشاعلي جواتْ نفسك بالسَّهر
وافهم حقيقة هالدني المزيفي بقلب البشر
الناس بدها فلوس ماهمَّا النفوس
بتضحك بوشك حتى تاخد عملتك
وإن قلت آخ بتتركك
وعا وجعتك بتدوس
وانت بريء وطيِّب و……منحوس
أى منحوس
والنحس إنو رفقتك هي السبب في حرقتك
طفي ياإنتَ لوعتك
وامشي بطريق الصَّح
وعا حرقتك ياالله بوعيك دوووس
لَك إحكي قول بمين بدي رجِّعك
بالبنت والا بميمتك
والا بقلب موجوع
إن غبت عم يبكي بليلو دموع
دموع مو من مي
دموع نار خطي
خطي طفلك يابليد خطي
رجِّعلو بسماتو
وأيام فرحاتو
ابنك ياقاسي بدو حنيِّه
بدو دفا صيفييه شتويه
بدو قلب مايتركو ويروح
بدو حبيب يفرِّحو

 مايملِّي قلبو جروح
لازم ياإنت تخاف على إبنك مثل

 خوفك على هالروح
راح خبرك عن سر هاك الروح
روح البدايه والختام
روح المحبه والسلام
روح السعادي بالدني
وروح السعادي عند ربك ياللي من

 أسماءو ياإنتَ السلام

 

 

مشلُوحْ عا بوابْ الأمل
وحدو بَئالو سنين
والقلب طقِّ من القهرْ
والدَّمعْ عالخدَّينْ
والناسْ ماعندن دوا
يشفي قلبْ مَسكينْ
لأ هنِّي بيزيدوا الوجعْ
بالجرحْ هاللايمينْ
اتوصى ياقلبِ نْناس
باللي مانْسَعدْ
وحاجي تزيدِ بْسكِّتو
هَمِّ وْوَنكَدْ
شوذنبو لوكانِ بحياتو
مَا نـْوَعَدْ
يفرح تايمْلِي مِهجتو
حبّ وحنينْ
إمْساكِينْ عاشوا
بهالدِّني امْساكين
وغابوا عن عيونِ الدِّني امْساكينْ

 

شعر

زاهية بنت البحر

5 thoughts on “زجل سوري (طفي الحريق)(مشلوح عابواب الزمن)

  1. zahya12 Post author

    اتوصى ياقلبِ نْناس
    باللي مانْسَعدْ
    وحاجي تزيدِ بْسكِّتو
    هَمِّ وْوَنكَدْ
    شو ذنبو لوكانِ بحياتو
    مَا نـْوَعَدْ
    يفرح تايمْلِي مِهجتو
    حبّ وحنينْ
    إمْساكِينْ عاشوا
    بهالدِّني امْساكين
    وغابوا عن عيونِ الدِّني امْساكينْ

    Like

  2. الشامخة

    جميل ما نثرتي من درر هنا وهناك كما عهدناك في الشعر العمودي متفوقة مبدعة انت هنا في الزجل لا تقلين براعة واتقان .
    بوركتِ وبورك حرفك في أي فن ورد .
    مع خالص ودي واحترامي .
    الشامخة .

    Like

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google photo

You are commenting using your Google account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s

This site uses Akismet to reduce spam. Learn how your comment data is processed.

%d bloggers like this: